Në fshatin Drobesh të Vitisë, banorët janë tronditur sërish nga një ngjarje e rëndë: xhamia e fshatit është bërë cak i hajnave. Pamjet e publikuara së fundmi tregojnë hyrjen e personave të panjohur brenda objektit të shenjtë, duke shkaktuar dëm material dhe shqetësim të madh tek komuniteti lokal.
Sipas imamit të xhamisë, kjo nuk është hera e parë që ndodh një incident i tillë. Ai konfirmon se vetëm gjatë kësaj jave, tre herë është vërejtur prezenca e personave të dyshuar rreth dhe brenda xhamisë.
Pamjet e siguruara tregojnë lëvizje të dyshuara gjatë orëve të vona të natës. Ende nuk dihet saktë se çfarë është marrë nga xhamia, por komuniteti beson se hajnat kanë shënjestruar paratë e bamirësisë dhe pajisje të vogla që gjenden brenda objektit./STOP Online